Дәүләт Думасы бюджет кодексына бюджет хисабы срокларын оптимальләштерү һәм регионнарга ярдәм итү өлешендә төзәтмәләрне хуплады
Дәүләт Думасы өченче укылышта Бюджет кодексына төзәтмәләр кабул итте. Әлеге төзәтмәләр федераль бюджет проектын кертү сроклары, бюджет хисаплылыгын төзү һәм карауга бәйле. Шулай ук үзгәрешләр инфраструктура проектларын гамәлгә ашыруга, регионнарның бюджет кредитларын реструктуризацияләүгә һәм кыйммәтле кәгазьләр һәм коммерция кредитлары буенча бурычларны биләүгә кагыла.
2022 елдан Россия Финанс министрлыгы Дәүләт Думасына федераль бюджет проектын 1 октябрь урынына 15 сентябрьгә кадәр тәкъдим итәчәк.
«Федераль бюджетны иртәрәк срокка кабул итү төбәкләргә үз бюджетларын формалаштырганда проектлауларын, беренче чиратта - бюджетара трансфертлар өлешендә исәпкә алырга ярдәм итәчәк», - дип ачыклык кертте министр урынбасары Алексей Лавров.
Үзгәрешләр хәзер Хисап палатасына 15 мартка кадәр (элек - 1 апрель) бирергә кирәк булган бюджет хисабына да кагылачак. Бюджет хисабын карау һәм раслау өлешендә сроклар билгеләнде. Яңа кагыйдәләр буенча Россия Хөкүмәтенә Дәүләт Думасына федераль бюджетның үтәлеше турындагы закон проектын 15 июньнән дә соңга калмыйча тапшырырга кирәк. Хисап палатасы үз чиратында 15 көн дәвамында федераль бюджет үтәлеше турында еллык хисапка бәяләмә әзерли һәм аны Россия Хөкүмәтенә һәм Дәүләт Думасына җибәрә. Шул ук вакытта Дәүләт Думасына аны 45 көн эчендә карарга кирәк.
Бу нормалар 2022 елдан үз көченә керәчәк.