05.10.2022
Бюджет өстендә эш аны Дәүләт Советына керткәнче ярты ел алдан башланды. Бу вакыт эчендә бюджетның керем һәм чыгым өлешләренә йогынты ясый торган барлык факторлар өйрәнелде. Бюджет формалаштыруның сценар шартлары Министрлар Кабинеты һәм Президент тарафыннан 8 сентябрьдә тикшерелде һәм килештерелде. Татарстан Республикасы Министрлар Кабинеты утырышында республиканың социаль-икътисадый үсеш фаразы һәм Татарстан Республикасының берләштерелгән бюджеты проекты хупланды. Бюджетның керем өлешен формалаштыру Россия Федерациясе Икътисадый үсеш министрлыгының «база» варианты һәм республикабыз Икътисад министрлыгы тарафыннан эшләнгән 2023-25 елларга Татарстан Республикасын социаль-икътисадый үстерүнең төп күрсәткечләре нигезендә гамәлгә ашырылды.
Татарстан Республикасы Президенты тарафыннан куелган республика икътисадына инвестицияләр җәлеп итү бурычын үтәү өчен, керемнәр буенча бюджет проектында гамәлдәге салым ташламалары исәпкә алынды һәм аларның кайберләренең планлаштырылган чорга озайтылуы исәпкә алынды. Чыгымнар буенча Татарстан Республикасының берләштерелгән бюджеты фаразын формалаштыру алымнары Татарстан Республикасы Дәүләт Советына Юлламасында Татарстан Республикасы Президенты куйган өметле бурычларны гамәлгә ашыруга юнәлдерелгән. Моның нигезендә чыгымнар төзелешендә кирәкле макроикътисадый индекслар - дефляторлар салынган.
Тулы текстны карарга
артка