Антон Силуанов бизнесны авктивларын Россия юрисдикциясенә активрак күчерергә әйдәде
Беренче вице-премьер, финанс министры Антон Силуанов бизнесны активларын Россия юрисдикциясенә активрак күчерергә әйдәде – моның өчен барлык шартлар да булдырылган.
“Бүген без бизнесны чит ил юрисдикциясеннән Россиянекенә яңадан теркәргә мөмкинлек бирә торган махсус инструментлар әзерләдек”, - диде Силуанов Россия бизнесы атналыгы кысаларында Россия Сәнәгатьче һәм эшмәкәрләр союзы корылтаенда чыгышы вакытында.
“Анда ресурсларыгызны, акчаларыгызны тагын күпме тотарга мөмкин, аларны Россиягә күчерергә кирәк, барлык шартлар да булдырылган”, - дип искәртте ул.
“Карагыз, дивидендларга һәм кыйммәтле кәгазьләрне гамәлгә куюдан керемгә салым ставкасы ноль... Чит ил затлары файдасына бирелгән дивидендларга чыганакның салым ставкасы 5%, моны тагын кая табарсыз? Бары ниндидер офшор компанияләрдә генә... Өстәвенә, сез офшорларда теркәлгән, бигрәк тә Россия компанияләренә мөнәсәбәтнең нинди булуын яхшы күрәсез. Күчегез безгә! Махсус ике юрисдикция булдырылды”, - диде Силуанов.